Ayni kunlarda Yaponiya poytaxti Tokio shahrida zamonaviy beshkurash bo‘yicha Jahon kubogining final bosqichi bo‘lib o‘tmoqda. E’tiborlisi, musobaqaga tashrif buyurgan O‘zbekiston zamonaviy beshkurash federasiyasi (O‘ZBF) raisi Bahromjon Gaziyev ushbu sport turini yurtimizda yanada rivojlantirish bo‘yicha yana bir yangi qadam tashladi.
B.Gaziyev musobaqa doirasida Osiyo zamonaviy beshkurash federasiyasi raisi Sangvu Park bilan uchrashib, ushbu sport turini yurtimizda yanada rivojlantirish borasida memorandum imzoladi.
Mazkur jarayonda Yaponiya zamonaviy beshkurash federasiyasi rahbariyati ham ishtirok etib, memorandum imzolanganidan so‘ng tomonlar sportning qit’amizdagi rivoji bo‘yicha suhbat olib borishdi.
Suhbatda ushbu sport turi bo‘yicha Yevropa sportchilariga yanada kuchli raqobat tug‘dira oladigan Osiyo vakillarini tayyorlash, terma jamoalar o‘rtasida hamkorlikdagi o‘quv-mashg‘ulot yiinlarini olib borish borasida og‘zaki kelishuvlarga erishildi.
