Liga Kubogi “V” guruhi 2-tur doirasidagi “Buxoro” – “Paxtakor” uchrashuvidan keyin matbuot anjumanining birinchi qismida mehmonlar ustozi Shota Arveladze ishtirok etdi.
- Chempionatda birinchi davrani yakunladik. Futbolchilar ko‘p o‘yinlar o‘tkazishdi. Bugun bir necha vaziyatlarni yuzaga keltirdik. Deyarli bo‘sh darvozani ishg‘ol qila olmadik. Ikkinchi bo‘limda keskinroq hujumlar uyushtirdik. Maydon holati juda yomonligini aytib o‘taman. Hamon shunday maydonlar borligi achinarli. Har ikki jamoaga maydon xalal berdi. Ahmadov aynan maydonning notekisligi sababli tizzasini qayirib oldi. Futbolchilar sifatli maydonda harakat qilishlari kerak.
