Toshkentda maktab o‘quvchilari o‘rtasida shaxmat bo‘yicha 15-chi Osiyo chempionati yakunlandi. Unda 20 ga yaqin mamlakatdan ja’mi 200 ga yaqin ishtirokchilar bellashdilar.

Bahslar shaxmatning standart , rapid va blis yo‘nalishlarida 9 kun mobaynida bo‘lib o‘tdi.
O‘zbekistonlik yosh shaxmatchilar 12 kategoriyada dona surdilar.

Chempionat O‘zbekiston shaxmat Federasiyasi, Loyiha boshqaruvi Milliy agentligi va “Raqamli ishonch” jamg‘armasining an’anaviy homiyligida tashkil etildi.

Yurtdoshlarimiz 19 ta oltin, 13 ta kumush va 16 ta bronza ja’mi 48 ta medal olib, umumjamoa hisobida 1-o‘rinni egalladilar.

Jamoaning g‘alabasiga Islamov Shahzod,Hamdamova Afruza,Rahmatullayev Almas,Alimova Sevinch, Abdusalimov Abdumalik, Allaberganov Akbar,Mirpo‘latov Mirabror, Madaminov Muhiddin, Omonova Umida, Shermuhammedov Samandar, Husayinova Ozodalar oltin medallari bilan katta hissa qo‘shdilar.