"Paxtakor" tarbiyalanuvchilari sanalgan ikki futbolchi asosiy jamoa uchun oxirgi o‘yinlarda debyut gollarini urishdi.

21 yoshli hujumchi Shohruh Mahmudhojiyev Qo‘qonda ikki to‘p kiritgan holda jamoamizga Superligada juda muhim g‘alabani keltirdi. Bu yosh o‘yinchining asosiy jamoa uchun urgan dastlabki gollariga aylandi. E’tiborlisi, u o‘sha kuni maydonda 18 daqiqa harakat qildi. O‘tgan mavsumda Mahmudhojiyev yoshlar ligasida to‘purarga aylangandi.

Buxoroda Liga Kubogi bellashuvida to‘p kiritgan Humoyunmirzo Iminov hozircha chempionat o‘yinlarida maydonga tushirilmagandi. Buxoroda u ham zaxiradan tushirildi va ko‘p o‘tmasdan asosiy jamoa safida birinchi golini urdi. 19 yoshli yarim himoyachi o‘tgan mavsumdan buyon yoshlar jamoasida yaxshi o‘yinlari bilan ko‘pchilikning diqqatini o‘ziga qaratgandi.

"Paxtakor" akademiyasi tarbiyalanuvchilaridan Bobur Asqarov va Ruslan Roziyev joriy mavsum Superligada debyutlarini nishonlashdi. Roziyev hozircha joriy mavsumda chempionatda maydonda o‘ynagan eng yosh futbolchi bo‘lib turibdi.