Italiyaning Neapol shahrida talabalar o‘rtasida Butunjahon Universiada o‘yinlariga start berildi. Quvonarlisi, terma jamoamiz musobaqaning birinchi kun bahsidayoq ilk medalini qo‘lga kiritdi.
Dzyudo bo‘yicha vazni 90 kilogrammdan ortiq polvonlar bahsida ishtirok etgan Muhammadkarim Xurramov o‘z medallari orasiga yozgi Universiadaning bronza medalini ham qo‘shib qo‘ydi. Vakilimiz dastlab AQSH, Vengriya, Belarus vakillarini mag‘lub etib, yarim finalda yaponiyalik raqibiga imkoniyatni boy berib qo‘ydi. Bronza medali uchun kechgan bahsda esa polshalik Oleksii Lisenkodan ustun keldi.
Bugun ham musobaqaning ikkinchi kun doirasida yana 4 nafar dzyudochimiz tatamiga chiqishadi.
