Ayni kunlarda Italiyaning Neapol shahrida talabalar o‘rtasida Butunjahon Universiada o‘yinlari bo‘lib o‘tmoqda. XXX bor o‘tkazilayotgan mazkur musobaqada 42 nafar sportchimiz yurtimiz sharafini himoya qilishmoqda.
Dzyudo bo‘yicha -73 kg vazn toifasida hamyurtimiz Hikmatilloh To‘rayev bugun bahslarga kirishdi.
Dastlabki davrada latviyalik Abulfazs Nasirovsni yenggan To‘rayev yarim final yo‘lida Kim Chol Gvang (KXDR) va italiyalik Andrea Jismondoni mag‘lub etishga erishdi. Afsuski, final ostonasida sportchimiz rossiyalik Yevgeniy Prokopchukka imkoniyatni boy berib qo‘ydi. To‘rayev endi Universiadaning bronza medali uchun tatamiga chiqadi.
Eslatib o‘tamiz, kecha +90 kg vazn toifasida Muhammadkarim Xurramov delegasiyamiz hisobiga dastlabki medalni keltirgan edi.