"Manchester Yunayted"ning sobiq bosh murabbiyi Joze Mourinyu "Guanchjou Evergrand"ning qulay taklifini rad etdi, deya xabar beradi The Guardian.

Manbada yozilishicha, bunga oilaviy ahvol sabab qilib ko‘rsatilgan.

Mourinyo o‘tgan yilning dekabrida "MYU"dan iste’foga chiqarilganidan buyon ishsiz yuribdi. U "Old Trafford"da 17 mln yevro ishlab topgan. Murabbiy Xitoy klubida ancha ko‘proq ishlab topishi mumkin edi.

Muzokaralardan so‘ng Joze rad javobini berdi, chunki bu oilaviy ishlariga ta’sir qilishi mumkin. Shuningdek, Mourinyoni terma jamoalardagi ish ham qiziqtirmaydi. U imkoniyat topilsa klub futboliga qaytmoqchi.