Argentina terma jamoasi bosh murabbiyi Lionel Skaloni Amerika kubogi-2019 musobaqasida 3-o‘rin uchun Chiliga qarshi o‘yindagi holat haqida fikr bildirdi.
O‘yinning 37-daqiqasida Messi va Gari Medel o‘rtasida janjal kelib chiqqan va har ikki futbolchi maydondan chetlatilgan edi.
"Menda musobaqadagi hakamlik haqida g‘alati hislar paydo bo‘ldi. Bu musobaqada VARdan foydalanish qoidalarini tushunmay qoldim. Hakamlar undan qanday foydalanishni bilmaydilar. Ular turli fikrlar o‘rtasida qoldilar. Bu narsa hakamlarning bu tizimdan qaynday foydalanishni bilmasliklarini anglatadi.
Takroriy lavhani ko‘rdim va hakamning nima qilganini tushunmadim. B vaziyatda u VAR uning qaroriga ta’sir qilmagani g‘alati. Bu holatda u chetlatishlarni bekor qilishi kerak edi", - deydi Skaloni.
