Аргентина терма жамоаси бош мураббийи Лионель Скалони Америка кубоги-2019 мусобақасида 3-ўрин учун Чилига қарши ўйиндаги ҳолат ҳақида фикр билдирди.
Ўйиннинг 37-дақиқасида Месси ва Гари Медель ўртасида жанжал келиб чиққан ва ҳар икки футболчи майдондан четлатилган эди.
"Менда мусобақадаги ҳакамлик ҳақида ғалати ҳислар пайдо бўлди. Бу мусобақада VARдан фойдаланиш қоидаларини тушунмай қолдим. Ҳакамлар ундан қандай фойдаланишни билмайдилар. Улар турли фикрлар ўртасида қолдилар. Бу нарса ҳакамларнинг бу тизимдан қайндай фойдаланишни билмасликларини англатади.
Такрорий лавҳани кўрдим ва ҳакамнинг нима қилганини тушунмадим. Б вазиятда у VAR унинг қарорига таъсир қилмагани ғалати. Бу ҳолатда у четлатишларни бекор қилиши керак эди", - дейди Скалони.
