Braziliya terma jamoasi himoyachisi Dani Alves Argentina termasi sardori Lionel Messining Amerika Kubogi haqidagi tanqidlariga javob qaytardi.
"Hissiyatlar haqida ko‘p gapirish mumkin, ammo men Messining gaplariga qo‘shilmayman. Birinchidan, u barcha braziliyaliklarga nisbatan hurmatsizlik qildi. Ikkinchidan, o‘z orzulariga erishish uchun ko‘p narsalardan voz kechgan professionallarga hurmatsizlik ko‘rsatdi. Do‘stlar doim ham haq bo‘laverishmaydi, shuning uchun ham ular do‘stlardir", dedi Alves.
