Ayni kunlarda Tailandning Chon Buri shahrida sport kurashlari bo‘yicha yoshlar o‘rtasida Osiyo chempionati davom etmoqda. Bugun musobaqada ayollar kurashi bo‘yicha bellashuvlar o‘z yakuniga yetdi.
Ushbu kun doirasida gilamga chiqqan ikki kurashchi qizimiz shohsupaga ko‘tarildi. Dastlab -62 kilogamm vazn toifasida Aruxan Jumabayeva bronza medalini qo‘lga kiritgan bo‘lsa, vazni 72 kilogrammgacha bo‘lgan kurashchi qizlar bahsida Svetlana Oknazarova kumush medal bilan taqdirlandi. Yurtdoshimiz hal qiluvchi bellashuvda Xitoy Taipeyi vakilasiga imkoniyatni boy berib qo‘ydi.
Shu tariqa kurashchi qizlarimiz mazkur musobaqani 2 ta kumush va 1 ta bronza medallari bilan yakunlashdi. Ertaga musobaqa doirasida erkin kurashchilar bahslarga kirishishadi.
