Vengriyaning Budapesht shahrida dzyudo bo‘yicha Gran-pri musobaqasining ikkinchi kun bellashuvlari davom etadi. E’tiborlisi, ushbu kun dasturi ham terma jamoamiz uchun muvaffaqiyatli yakunlanadigan bo‘ldi.
-73 kilogramm vazn toifasida ishtirok etayogan Hikmatilloh To‘rayev hamda G‘iyosjon Boboyev musobaqaning bronza medali uchun o‘zaro kurash olib borishadi. To‘rayev musobaqa doirasida dastlab Meksika, Vengriya, Gresiya vakillaridan ustun kelib, yarim finalda kosovolik Akil Gyakovaga shidolar bo‘yicha imkoniyatni boy berib qo‘ydi. Boboyev esa chorak finalda mag‘lubiyatga uchragach, o‘tish bahsidagi g‘alabasi evaziga shohsupaga ko‘tarilish imkoniyatini qo‘lga kiritdi.
Shu tariqa ikki dzyudochimiz Gran-prining bronza medali uchun o‘zaro to‘qnash keladilar. Bu vaziyat terma jamoamiz hisobida yana bir bronza medali bo‘lishini ta’minlaydi. Eslatib o‘tamiz, kechagi kuni dasturida Shahram Ahadov (-66 kg) shohsupaning uchinchi pog‘onasidan joy olgan edi.
