Kuni kecha «Barselona» futbol klubi Antuan Grizman transferini e’lon qildi. Futbolchini tanishtirish maqsadida tashkillashtirilgan matbuot anjumanida fransiyalik futbolchi tomonidan aytilgan so‘zlarni e’tiboringizga taqdim etamiz.
Birinchidan men «Real Sosyedad» klubiga rahmat aytmoqchiman. Ular menga katta futbolda ilk shartnomani taklif qilishgan. Bundan tashqari, «Atletiko Madrid» va Simionega o‘z tashakkurimni izhor qilmoqchiman. Ular meni «Barselona» futbolchisi degan maqomga ko‘tarilishimda yordam berishdi. Men bu yerda hamma narsaga tayyor bo‘lganim uchungina turibman! Yangi chaqiruvga mardlarcha javob qaytara olishimga ishonchim komil. Bu klubda o‘z o‘rnimni topmoqchiman. Bundan tashqari, «La Liga», Kubok va YECHLda zafar quchishni istayman. O‘tgan mavsumda «Barselona»ga o‘tmaganimga yetarlicha sabablar mavjud. Ulardan eng kattasi oilam yangi shaharga ko‘chib o‘tishga tayyor emas edi. Endi hammasi o‘z joyida va katta g‘alabalar uchun tayyorman. Abidal va Valverde bilan suhbatlashib olishga ulgurdim. Bilasizmi, meni ikkita kumirim bor. Ulardan biri Lebron Jeyms bo‘lsa, ikkinchisi Leonel Messi. Yangi jamoamda qaysi pozisiyada o‘ynashga to‘g‘ri kelsada, men buni xursandchilik bilan qarshi olaman. Bu jamoaning o‘yinlarini tomosha qilib turar edim, bugun esa uning a’zosi ekanligimdan mamnunman. Men doimo o‘yindan lazzat olib to‘p suradigan quvnoq yigitman. Umid qilamanki, yangi jamoamda tezda moslashib ketaman. Umid qilamanki, yangi jamoadoshlarim bilan oldimga qo‘ygan maqsadlarning hammasini zabt etaman. Tezroq Dembele va Umtiti bilan ko‘rishgim kelyapti. Ular mening eng yaqin do‘stlarimdan biri.
Messi bilan bir jamoada to‘p surish bu haqiqiy baxt. U mening farzandlarim va ularning farzandlari uchun ham afsonaviy futbolchi bo‘lib qolaveradi. U Lebron Jeyms singari tarixda qoladi. To‘g‘risi, Messi va yangi jamoam bilan tezroq bir mashg‘ulot o‘tkazish niyatidaman. Bu klubga kelganimdan xursandman va qolganlarni ham xursand qilishdan umidvorman.
Qolgan trasnferlar haqida bir nima deya olmayman. Bu futbolchi o‘ylashi kerak bo‘lgan narsa emas. Bu haqida murabbiylar shtabi bosh qotirgani ma’qul. Neymarning transferi borasida faqat OAV orqali eshitdim. O‘ylashimcha, bu transfer amalga oshmaydi. Bunday savollarni yaxshisi transfer bilan shug‘ullanadigan insonlarga berganingiz maqul.
