Professional boksning o‘ta og‘ir (+90,7 kg) vazn toifasida ringga chiqayotgan o‘zbekistonlik Bahodir Jalolov (6-0, 6 KO) iyul oyida o‘zining navbatdagi jangini o‘tkazadi. Bu haqda sportchi GoSport.uz internet-nashriga ma’lum qildi.
Unga ko‘ra, Jalolov 24 iyul kuni Rossiya poytaxti Moskva shahrida bo‘lib o‘tadigan boks oqshomida ringga ko‘tariladi. Hozircha unga kim raqiblik qilishi ma’lum emas. Sportchi tez kunda bu borada ham ma’lumot berishini aytgan.
Eslatib o‘tamiz, Bahodir Jalolov bunga qadar, so‘nggi marta joriy yilning 10 aprel kuni AQSHda Brendan Barrettga (7-3-2, 5 KO) qarshi jangda g‘alaba qozonib, Shimoliy Amerika boks federasiyasi — NABFning ikkinchi darajali kamari (NABF Junior) chempionlik kamarini qo‘lga kiritgandi.
Keyinroq u havaskor bokschilar o‘rtasidagi Osiyo chempionatida ishtirok etib, ketma-ket ikkinchi marta mazkur musobaqa oltin medaliga ega chiqqandi.
