"Betis" klubi "Lion" yarim himoyachisi Nabil Fekirning transferi borasida kelishuvga erishishga yaqin turibdi.
L’Equipe nashri tarqatgan xabarga ko‘ra, andalusiyaliklar futbolchi uchun 29 million yevro to‘lashga tayyor. Shuningdek, Fekirga "Valensiya" va "Sevilya" klublari ham qiziqish bildirishmoqda.
26 yoshli futbolchi yakunlangan mavsumda "Lion" safida 39ta o‘yinda maydonga tushib, 12ta gol urdi va ikkita golga uzatma berdi. Uning jamoasi bilan shartnomasi kelasi yilning yozida yakuniga yetadi.