«Real Madrid» jamoasininp bu mavsumdagi eng katta transferi sanaladigan Eden Azar kuni kecha «Bavariya»ga qarshi kechgan bahsdan so‘ng intervyu berdi. Hozir ikki jamoaning murabbiylari va Eden Azar tomonidan o‘yin haqida bildirilgan fikrlar bilan tanishib chiqamiz
Zidan
Men uchrashuvning natijasidan qoniqmadim, lekin ayrim futbolchilarning o‘yinlaridan ko‘nglim to‘ldi. Yangi mavsumga tayyorgarlik ajoyib o‘tmoqda. Bugungi uchrashuv bizning ilk o‘yinimiz edi. Bundan tashqari juda ko‘p o‘yinchi almashtirganimiz o‘yin sifatini tushurib yuboradi. Bizni oldinda katta va mashaqqatli yo‘l kutmoqda. Beyl jamoadan ketish arafasida turgani bois uni maydonga tushurmadim. U bizning rejalarimizda yo‘qligi uchun undan foydalanishning xojati yo‘q. Umid qilamanki, uning muammosini ertaga hal etamiz. Qo‘limizdan kelguncha uning boshqa kubga o‘tishini ta’minlashga harakat qilamiz.
Niko Kovach
Bu musobaqada omadsiz start olgan bo‘lsakda, bugun o‘zim ko‘rishni istagan «Bavariya»ni maydonda ko‘rdim. Biz tinimsiz hujum qildik. To‘g‘ri , «Real Madrid» ham hujumga o‘tdi, biroq bugun biz ulardan faolroq ko‘rindik. 2 haftadan so‘ng «Bavariya»ni super kubok uchrashuvi kutib turibdi. O‘sha uchrashuvga qadar har-xil uslublarni qo‘llab ko‘rishda davom etamiz. Jamoa o‘yin davomida o‘zini bo‘sh qo‘ydi va o‘yinni bir kishi kam bo‘lib yakunladik.
Yangi mavsum oldidan katta maqsadlar qo‘yganmiz. Oldimizda muhim uchrashuvlar bizni kutib turibdi. Bu klub futbolchilari jamoa sharafini himoya qilish naqadar muhim ekanligini juda yaxshi bilishadi. Biz o‘tgan mavsumda ichki chempionat va kubok bahslarida g‘olib chiqdik. Endigi navbat YCHLda munosib ishtirok etish. Yangi mavsumda o‘tgan yilgi natijalarni qaytalash mushkul bo‘lsada, har bir uchrashuvda g‘alaba uchun maydonga tushamiz. Biz shunday to‘p suramizki, bizga qarshi maydonga tushgan barcha jamoalar 100 foiz kuch bilan to‘p surishga majbur bo‘ladi.
Eden Azar
Men yangi jamoam uchun norasmiy bo‘lsada debyut qilganimdan mamnunman. Hali hammasi oldinda. Men bugungi uchrashuvdagi harakatlarimdan va jamoamizning o‘yinidan qoniqmadim. Bu o‘rtoqlik uchrashuvi bo‘lsada, biz bugungi o‘yin davomida ko‘plab vaziyatlarni ko‘kka sovurdik. Bizda bunday imkoniyatlardan juda ko‘p bo‘ldi. Shunga qaramasdan, men shunday klubning bir bo‘lagi sifatida ilk uchrashuvda maydonga tushganimdan xursandman. Endilikda ishlashda davom etaman va jamoam uchun yangi sovrinlarni yutishga bor kuchim bilan harakat qilaman. Men yangi mavsumni ozru qilib kutyapman, ayniqsa «el-klassiko»da o‘z kuchimni sinab ko‘rish haqida o‘ylasam vaqt to‘xtab qolayotgandek tuyuladi.
