“Sog‘lom oila” shiori ostida o‘tkazilgan mazkur musobaqadan ko‘zlangan asosiy maqsad har bir oilada jismonan baquvvat, mustahkam irodali, har tomonlama sog‘lom avlodni voyaga yetkazish, jismoniy tarbiya va sport bilan shug‘ullanishni oilalarning kundalik turmush tarziga singdirishdan iborat.

Jamoalar tarkibi mahallalardagi 30-45 yoshgacha bo‘lgan ota-onalar, ularning 10 yoshdan 14 yoshgacha bo‘lgan farzandlari bilan jami bir jamoa 4 nafar ishtirokchidan tashkil topgan.

Musobaqa 4 bosqichda o‘tkazilgan bo‘lib, jamoalar o‘zaro 7 ta shart bo‘yicha:

1-shart — “To‘siqlar oshish” estafetasi,

2-shart—“Kim chaqqon va mergan”,

3-shart— “Mohir xujumchi (forvard)”,

4-shart — “Arqon tortish”,

5-shart — “Kim epchil o‘yini”,

6-shart — “Kim chaqqon estafetasi” hamda

7-shart - “Darts” bo‘yicha bellashishdi.

Hududiy bosqichlarda ushbu shartlardan muvaffaqiyatli o‘tib, g‘oliblikni qo‘lga kiritgan Qonliko‘l, Chimboy, Bero‘niy tumanlari va Nukus shahri oilalari respublika bosqichida ishtirok etdi.

Musobaqa qizg‘in bahslarga boy o‘tdi. Yakuniy natijalarga ko‘ra faxrli 1-o‘rinni Nukus shahri «Qutli makan» MFYdan Habibullayevlar oilasi egalladi. 2-o‘rinni Qonliko‘l tumani «Madeniyat» MFYdan Qudayarovlar oilasi qo‘lga kiritdi. Kuchli uchlikka Chimboy tumani «Berdaq» MFYdan Sultanovlar oilasi yakun yasadi. Shuningdek, Bero‘niy tumani «Navoiy» OFYdan Yuldashovlar oilasiga 4-o‘rin nasib etdi.

Bundan tashqari, tashkiliy ko‘mita tomonidan “Eng ahil jamoa”, “Eng yosh jamoa”, “Jamoaning g‘alabaga bo‘lgan ishonchi”, “Eng yaxshi sermazmun ijodkor jamoa”, “Eng tezkor jamoa”, “Eng epchil jamoa”, “Eng faol jamoa”, “Eng ibratli jamoa” kabi nominasiyalar bo‘yicha g‘oliblar aniqlandi.

G‘olib jamoalar diplom hamda esdalik sovg‘alar bilan taqdirlandi.