“Соғлом оила” шиори остида ўтказилган мазкур мусобақадан кўзланган асосий мақсад ҳар бир оилада жисмонан бақувват, мустаҳкам иродали, ҳар томонлама соғлом авлодни вояга етказиш, жисмоний тарбия ва спорт билан шуғулланишни оилаларнинг кундалик турмуш тарзига сингдиришдан иборат.
Жамоалар таркиби маҳаллалардаги 30-45 ёшгача бўлган ота-оналар, уларнинг 10 ёшдан 14 ёшгача бўлган фарзандлари билан жами бир жамоа 4 нафар иштирокчидан ташкил топган.
Мусобақа 4 босқичда ўтказилган бўлиб, жамоалар ўзаро 7 та шарт бўйича:
1-шарт — “Тўсиқлар ошиш” эстафетаси,
2-шарт—“Ким чаққон ва мерган”,
3-шарт— “Моҳир хужумчи (форвард)”,
4-шарт — “Арқон тортиш”,
5-шарт — “Ким эпчил ўйини”,
6-шарт — “Ким чаққон эстафетаси” ҳамда
7-шарт - “Дартц” бўйича беллашишди.
Ҳудудий босқичларда ушбу шартлардан муваффақиятли ўтиб, ғолибликни қўлга киритган Қонликўл, Чимбой, Берўний туманлари ва Нукус шаҳри оилалари республика босқичида иштирок этди.
Мусобақа қизғин баҳсларга бой ўтди. Якуний натижаларга кўра фахрли 1-ўринни Нукус шаҳри «Қутлы макан» МФЙдан Ҳабибуллаевлар оиласи эгаллади. 2-ўринни Қонликўл тумани «Маденият» МФЙдан Қудаяровлар оиласи қўлга киритди. Кучли учликка Чимбой тумани «Бердақ» МФЙдан Султановлар оиласи якун ясади. Шунингдек, Берўний тумани «Навоий» ОФЙдан Юлдашовлар оиласига 4-ўрин насиб этди.
Бундан ташқари, ташкилий кўмита томонидан “Энг аҳил жамоа”, “Энг ёш жамоа”, “Жамоанинг ғалабага бўлган ишончи”, “Энг яхши сермазмун ижодкор жамоа”, “Энг тезкор жамоа”, “Энг эпчил жамоа”, “Энг фаол жамоа”, “Энг ибратли жамоа” каби номинациялар бўйича ғолиблар аниқланди.
Ғолиб жамоалар диплом ҳамда эсдалик совғалар билан тақдирланди.