«Barselona» klubi sobiq himoyachisi Dani Alves "ko‘k-anorranglilar" safiga qaytishni istamoqda. Kataloniyaliklar rahbariyati esa uning xizmatiga qiziqish bildirmayapti.

UOL Esporte tarqatgan xabarga ko‘ra, 36 yoshli futbolchi sobiq jamoasiga qaytish rejasini tuzmoqda. Uning taxminiga ko‘ra, "Barsa" "PSJ" hujumchisi Neymarni qo‘lga kiritish uchun o‘zining o‘ng qanot himoyachisi Nelson Semeduni parijliklarga beradi. Ushbu transfer amalga oshsa, kataloniyaliklarda o‘ng qanot himoyachisiga ehtiyoj tug‘iladi. Neymar esa "Barsa" rahbariyatidan hozirda erkin agent maqomida bo‘lib turgan vatandoshi Alves bilan shartnoma tuzishni so‘raydi.

Dani Alves mavsum so‘ngida "PSJ"ni tark etganidan beri hali o‘ziga klub topmadi. U o‘zining Instagramdagi sahifasi orqali ish qidirayotgani haqida e’lon qoldirdi. Alves 2008-2016 yillar oralig‘ida «Barselona» sharafini himoya qilgan.