Dushanbe shahrida Markaziy Osiyo futbol assosiasiyasi (CAFA)ga a’zo mamlakatlarning o‘smirlar (U16) terma jamoalari o‘rtasida musobaqa davom etmoqda.
Azamat Abduraimov boshchiligidagi o‘zbekistonlik o‘smirlar 3-turda Qirg‘iziston o‘smirlariga qarshi bahs olib borishdi. Qiyin kechgan o‘yinda vakillarimiz 3:2 hisobida g‘alaba qozonishdi.
Abduraimov jamoasi musobaqa jadvalida 4 ochko bilan 4-o‘rinda bormoqda. Bugun, kutilmaganda, Afg‘onistonga yutqazib qo‘ygan Eron, 6 ochko bilan jadvalda 3-o‘ringa tushib qoldi. Tojikiston va Afg‘oniston 7 ochko bilan peshqadamlik qilishmoqda.
3-turda quyidagi natijalar qayd etildi:
Qirg‘iziston – O‘zbekiston - 2:3
Gollar: Atay Ilichbek uulu (41), Iriskeldi Tinibekov (46) — Azizbek Toshkentboyev (2), Murodbek Xo‘jamberdiyev (29 penalti), Alisher Xayrullayev (39).
Tojikiston – Turkmaniston - 3:0
Eron – Afg‘oniston - 0:1
4-tur o‘yinlari 30 iyul, seshanba kuni bo‘lib o‘tadi:
20:30 – Turkmaniston – Qirg‘iziston. Dushanbe, Markaziy o‘yin stadion
18:00 – Eron – Tojikiston. Dushanbe, Markaziy o‘yin stadion
18:00 – Afg‘oniston – O‘zbekiston. Hisor, Markaziy o‘yin stadion
5-tur o‘yinlari 1 avgust kuniga belgilangan:
18:00. Qirg‘iziston – Eron. Hisor, Markaziy o‘yin stadion
18:00 – O‘zbekiston – Turkmaniston. Dushanbe, Markaziy o‘yin stadion
20:30 – Tojikiston – Afg‘oniston. Dushanbe, Markaziy o‘yin stadion
