“Yuventus” hujumchisi Krishtianu Ronaldu Marca nashri tomonidan taqdim etilgan “Afsona” sovrinini qo‘lga kiritgandan so‘ng bolakaylarning savolliga javob berdi.

– Yoshligingizda dunyoning eng yaxshi futbolchisi bo‘lishingizni bilganmisiz? Shuncha sovrinni qo‘lga kiritishingiznichi?

– Yo‘q, hech qachon o‘ylamaganman. Men shunchaki professional futbolchi bo‘lishni orzu qilganman.

– Siz ko‘proq Manchesternimi yoki Madridni sog‘inayapsizmi?

– Men ikki joyni ham birdek sog‘inaman, lekin hayotimning ko‘p qismini Madridda o‘tkazdim. Bu yerda meni bolalarim tug‘ildi. Shuning uchun ko‘proq Madridni sog‘indim.

– Yevrodagi g‘alaba bu faoliyatingizdagi eng muhim sovrinmi?

– Barcha sovrinlar men uchun muhim. Milliy terma jamoa safida sovrin qo‘lga kiritish ancha mushkul ish. Balki, bu g‘alaba faoliyatimdagi eng muhimidir.

– “Real”dan ketganingizdan afsusdaman...

– Men ham.

– “Yuventus” chempionlar ligasini qo‘lga kiritadimi?

– Bilmayman. Biz har doimgidek harakat qilamiz. Umid qilamanki “Yuventus” g‘alaba qozonadi”, - deydi Ronaldu.