Germaniyada bo‘lib o‘tgan Audi Cup musobaqasi g‘olibi aniqlandi. Finalda «Tottenxem» va «Bavariya» jamoalari to‘qnash kelishdi.

Birinchi bo‘limda londonliklar Erik Lamelaning goli evaziga hisobni ochishdi. Pochettino shogirdlari ikkinchi bo‘limning dastlabki daqiqalarini ancha faol o‘tkazib, hisobdagi farqni oshirishga muvaffaq bo‘lishdi.

Ko‘p o‘tmay myunxenliklar dastlab birinchi javob to‘pini kiritgan bo‘lsalar, o‘yin tugashiga 8 daqiqa qolganida hisobni tenglashtirishdi.

O‘yindan keyin o‘tkazilgan penaltilar seriyasida tomonlar 7 martadan zarba berishdi. Unda omad "Tottenxem"ga kulib boqdi — 6:5.

Shu tariqa, 2019 yilgi Audi Cup musobaqasi sovrini «Tottenxem»ga nasib etdi.

Audi Cup, final
Tottenxem Angliya – Bavariya Germaniya – 2:2 (1:0, 1:2, penaltilar bo‘yicha — 6:5)
Gollar: 1:0 – Lamela (19), 2:0 – Eriksen (50), 2:1 – Arp (61), 2:2 – Devis (82).
«Tottenxem»: Lyoris (Gassaniga, 46), Uoker-Piters (Foyt, 46; Marsh, 80), Sanches (Alderveyreld, 46), Vertongen (Tanganga, 46), Rouz (Uayi, 46), Uinks (Skipp, 46), Sissoko (Georgiu, 84), Alli (Keyn, 46), Lamela (Eriksen, 46), Nkudu (Son Xin Min, 46), Lukas (Rouls, 75).
«Bavariya»: Noyer (Ulrayx, 46), Zyule (Zilla, 46; Koman, 76; Mixalyevich, 77), Pavar, Kell (Myuller, 79), Tolisso (Sanshesh, 61), Vill (Boateng, 46), Yoxansson (Alaba, 60), Devis, Singx, Nollenberger (Tiago, 62), Arp (Levandovski, 75).