Германияда бўлиб ўтган Audi Cup мусобақаси ғолиби аниқланди. Финалда «Тоттенхэм» ва «Бавария» жамоалари тўқнаш келишди.

Биринчи бўлимда лондонликлар Эрик Ламеланинг голи эвазига ҳисобни очишди. Почеттино шогирдлари иккинчи бўлимнинг дастлабки дақиқаларини анча фаол ўтказиб, ҳисобдаги фарқни оширишга муваффақ бўлишди.

Кўп ўтмай мюнхенликлар дастлаб биринчи жавоб тўпини киритган бўлсалар, ўйин тугашига 8 дақиқа қолганида ҳисобни тенглаштиришди.

Ўйиндан кейин ўтказилган пенальтилар сериясида томонлар 7 мартадан зарба беришди. Унда омад "Тоттенхэм"га кулиб боқди — 6:5.

Шу тариқа, 2019 йилги Audi Cup мусобақаси соврини «Тоттенхэм»га насиб этди.

Audi Cup, финал
Тоттенхэм Англия – Бавария Германия – 2:2 (1:0, 1:2, пенальтилар бўйича — 6:5)
Голлар: 1:0 – Ламела (19), 2:0 – Эриксен (50), 2:1 – Арп (61), 2:2 – Дэвис (82).
«Тоттенхэм»: Льорис (Гассанига, 46), Уокер-Питерс (Фойт, 46; Марш, 80), Санчес (Алдервейрелд, 46), Вертонген (Танганга, 46), Роуз (Уайи, 46), Уинкс (Скипп, 46), Сиссоко (Георгиу, 84), Алли (Кейн, 46), Ламела (Эриксен, 46), Нкуду (Сон Хын Мин, 46), Лукас (Роулс, 75).
«Бавария»: Нойер (Ульрайх, 46), Зюле (Зилла, 46; Коман, 76; Михальевич, 77), Павар, Келль (Мюллер, 79), Толиссо (Саншеш, 61), Вилль (Боатенг, 46), Йоханссон (Алаба, 60), Дэвис, Сингх, Нолленбергер (Тиаго, 62), Арп (Левандовски, 75).