"Surxon" jamoasiga ikkinchi davrada kelib qo‘shilgan legionerlar qachon maydonga tushadi?

Bugungi kunda ko‘pchilik muhlislarimiz "Surxon" jamoasi safiga kelib qo‘shilgan Ukrainalik va Braziliyalik legionerlar qachon maydonga tushadi? deya savol bermoqdalar.

1. "Surxon" jamoasi safiga kelib qo‘shilgan Ukrainalik Mikola Agapov "Surxon" jamoasi bilan yil ohirigacha mo‘ljallangan shartnomaga qo‘l qo‘ygan. Yaxshi bilasiz, legioner futbolchilarning mahalliy futbolchilardan farqli tomoni, ular shartnomaga tuzgach, ularning hujjatlarini o‘rganib chiqadigan O‘FA Halqaro bo‘limi bor. Bu halqaro bo‘lim klub tomonidan berilgan barcha hujjatlarni Ukraina futbol assosiasiyasiga taqdim etadi. Ukraina futbol assosiasiyasi esa futbolchining haqiqatdan hech qaysi klub bilan amaldagi shartnomasi bor yoki yo‘qligini aniqlab bo‘lgach, bizga yakuniy hulosani aytadi. Lekin, aynan Ukraina futbol assosiasiyasi yakuniy hulosani bergani yo‘q. Shu sababli ham Mikola jamoamizga yordam bera olmayapti.

2. Bundan bir necha kun avval, braziliyalik Pedro bilan ham shartnoma imzolanishini haqida xabar bergan edik. Yuqorida ta’kidlaganimizdek, Braziliya futbol assosiasiya Pedroning Braziliya klubi bilan shartnomasi borligi haqida xabar berdi. Shundan so‘ng jamoa Pedro o‘rniga yana bir braziliyalik futbolchi Lucas De Oliveria Cunhani jamoaga olib qolish bo‘yicha ishlar olib bordi va Lukas bugungi kunda erkin agent ekanligi aniqlandi. Lukas "Surxon" bilan yil ohiriga qadar mo‘ljallangan shartnomaga imzo chekdi. Endi, bu futbolchining ham Halqaro bo‘limdan javob kelishi kutilmoqda.

"Surxon" safiga kelib qo‘shilgan legionerlar nasib qilsa, O‘zbekiston Superligasi 16-tur doirasida 10-avgust kuni "Lokomotiv" bilan bo‘lib o‘tadigan o‘yinda maydonga tushadilar.

Agarda, Ukraina va Braziliya futbol assosiasiyasi bizga ma’lumotlarni tezroq taqdim etsalar, 4-avgust kuni bo‘lib o‘tadigan O‘zbekiston kubogi doirasida "Lokomotiv" jamoasiga qarshi uchrashuvda legionerlarimiz maydonga tushishlari mumkin bo‘ladi.

"Surxon" PFK matbuot xizmati