Coca Cola O‘zbekiston Kubogining 1/8 final bosqichidan o‘rin olgan «Bunyodkor» - «Qizilqum» (3:0) uchrashuvidan keyin o‘tkazilgan matbuot anjumanini birinchi qismida mezbonlar ustozi Vadim Abramov ishtirok etdi.
- Bunday issiqda, qolaversa har ikki-uch kunda maydonga tushish og‘irlik qiladi. Agar bugungi o‘yinimiz chiroyli chiqmagan bo‘lsa muxlislardan uzr so‘raymiz. Birinchi ikkita gol sal tushunarsiz holatlardan keyin raqib darvozasidan joy oldi, uchinchi golda o‘zimiz vaziyat yarata oldik. Fikrimcha, hisob o‘yinga mos bo‘ldi.
O‘yindagi o‘zgarishlar taktik sxemalar bilan bog‘liq. Qolaversa, bunday issiqda o‘ynash oson emas. Shuning uchun taktik o‘zgarish qilib, kuchni teng taqsimlashga harakat qildik. Mavsumning ikkinchi qismidagi uch o‘yinda g‘alaba qozondik. «Yurishimiz» shu tariqa davom etishini xohlaymiz, ammo futbolda «spad»ga tushmaydigan jamoa bo‘lmaydi. Navbatdagi turda bizni qiyin safar o‘yini kutib turibdi. Undan yana Kubok bahsi va «Lokomotiv»ga qarshi uchrashuvlar bor. Aynan shu bellashuvlarda «spad»ni minimumlashtirishga harakat qilamiz.