«Manchester Siti» yarim himoyachisi Leroy Sane jarohat tufayli uzoq vaqtga safdan chiqqan bo‘lishi mumkin. Germaniya futbolchi Angliya superkubogi doirasida "Liverpul"ga qarshi bo‘lib o‘tgan o‘yin boshida jarohat olib, maydonni tark etgan edi.
23 yoshli futbolchining tizzasidagi bog‘lamida uzilish ro‘y bergani taxmin qilinmoqda. Katta ehtimol bilan Sane jarrohlik stoliga yotadi. Bu haqda yakuniy qaror bugun qabul qilanadi. Agar u operasiya qilinsa, kamida yarim mavsumni o‘tkazib yuborishiga to‘g‘ri keladi.
Mazkur jarohat futbolchining transferiga xalal berishi mumkin. U «Bavariya»ga o‘tishga yaqin turgan edi.