Ertaga «Bunyodkor» Coca Cola Superliganing 17-turi doirasida Bekobodning «Metallurg»ni qabul qiladi. Xabaringiz bor, toshkentliklarning uy uchrashuvlarini o‘tkazadigan «Bunyodkor» stadionining chimi yangilanayotgani bois, «qaldirg‘ochlar» mehmonlarni Toshkent temiryo‘l muhandislari instituti qoshidagi maydonda qabul qilayotgan edi. Xususan, «Metallurg»ga qarshi bahs ham aynan shu o‘yingohda bo‘lib o‘tishi rejalashtirilgan, tayyorgarlik shunga mos ravishda olib borilayotgandi.

Ammo kecha mazkur stadion saralash o‘yinlariga tayyorgarlik ko‘rayotgan O‘zbekiston olimpiya terma jamoasi ixtiyoriga berilishi, shu bois ta’mir ishlari uchun vaqtincha yopilishi bo‘yicha qaror qabul qilindi. Shu munosabat bilan Coca Cola Superliganing 17-turidan o‘rin olgan «Bunyodkor» - «Metallurg» uchrashuvi «Jar» stadioniga ko‘chirildi. Ertangi bahs «Jar» stadionida bo‘lib o‘tadi. O‘yin avval belgilanganidek, 17:00da start oladi.

‌Mazkur jamoalarning o‘rinbosarlari o‘rtasidagi bellashuv bugun «Bunyodkor» akademiyasi maydonida bo‘lib o‘tadi. Bahs 18:00da boshlanadi.
‌
‌COCA COLA CUPERLIGA
«Bunyodkor» - «Metallurg»
17-tur. 18 avgust. Toshkent. «Jar» stadioni. 17:00
Bosh hakam: Vadim Agishev.
Qanot hakamlari: Temur Gaynullin, Doniyor Saylavov.
Zaxiradagi hakam: Shuhrat Rajabov.
Nazoratchi: Baxtiyor Tog‘ayev.
Komissar: Zohir Akramxonov.