Yevropa ligasi saralash pley-off bosqichi doirasida ilk o‘yin yakunlandi. «Astana» o‘z uyida BATEni qabul qilib, yirik hisobda g‘alaba qozondi.

Birinchi bo‘lim o‘rtasida Tomasov hisobni ochgan bo‘lsa, taym tugash arafasida Logvinenko hisobdagi farqni oshirdi. Ikkinchi bo‘lim boshida esa Siguryonsson qozog‘istonliklarning uchinchi golini urishga muvaffaq bo‘ldi.

Belaruslar o‘yin oxiriga qadar qanchalik harakat qilishmasin, ular "Astana" maydonini golsiz tark etishdi. Javob o‘yini bir haftadan keyin BATE stadionida bo‘lib o‘tadi.

Yevropa ligasi, pley-off bosqichi, dastlabki o‘yin
Astana Qozog‘iston – BATE Belarus 3:0 (2:0, 1:0)
Gollar: 1:0 – 23 Tomasov, 2:0 – 44 Logvinenko, 3:0 – 52, penalti Siguryonsson.
Astana – Erich, Rukavina, Postnikov, Shomko, Logvinenko, Mayevskiy, Shimunovich, Tomasov (Yanga, 82), Siguryonsson, Rotaryu, Mubele (Murtazayev, 46).
BATE – Chichkan, Volkov, Rios, Filipovich, Simovich, Baga (Villumsson, 61), Dragun, Stasevich, Yablonskiy, Mukam (Tuominen, 54), Skavish (Saroka, 79).
Ogohlantirishlar: Shomko (17), Mukam (25), Rukavina (38), Simovich (81).