Moskvada bo‘lib o‘tayotgan Valentin Ivanov xotirasi uchun "Star Way" musobaqsida 2-tur o‘yinlari bo‘lib o‘tdi.

O‘zbekiston o‘smirlar (U16) terma jamoasi Serbiya o‘smirlariga qarshi maydonga chiqib, g‘alaba qozondi. Birinchi bo‘limda Azamat Abduraimov shogirdlari hisobni ochishdi.

Yevropaliklar hisobni tenglashtirish uchun oldinga tashlanishdi. Ammo ikkinchi bo‘lim boshida ular tomonidan amalga oshirilgan 2ta qo‘pol harakat ikkita qizil kartochka bilan jazolandi. Maydonda ikki kishi ko‘p bo‘lib qolgan o‘zbekistonliklar uchrashuvning qolgan daqiqalarida yana ikkita gol urib, hisobni yirik ko‘rinishga keltirishdi.

Vakillarimiz 1-turda Turkiyaga 2:3 hisobida imkoniyatni boy berishgan edi. Turklar bugun mezbon - Rossiyani shunday hisobda mag‘lub etdi. Turkiya 6 ochko bilan peshqadamlik qilayotgan bo‘lsa, O‘zbekiston va Serbiya hisobida 3 ochkodan mavjud. Terma jamoamiz to‘plar farqiga ko‘ra 2-o‘rinni egallab turibdi.