“Chelsi” bosh murabbiyi Frenk Lempard Angliya chempionati 3-turidan o‘rin olgan “Norvich”ga qarshi o‘yin oldidan quyidagi fikrlarni bildirdi.
“Ularning o‘z uslublari bor. Bu to‘g‘ri yondashuv. Ular juda yaxshi futbol namoyish etishadi.Ular yaxshi murabbiy va jamoaga ega.
Ular o‘z o‘yin uslublariga ishonishadi. Bu jamoa transfer siyosati nuqtai nazaridan Chempionship jamoalariga ajoyib o‘rnak bo‘la olishadi. Men ular yana APLga qaytganidan xursandman.
Biz “Norvich”ga faqat g‘alaba uchun boramiz. Ammo biz “Liverpul”ga qarshi o‘yinda mag‘lubiyatga uchragan va “Nyukasl”ga qarshi ajoyib o‘yin o‘tkazgan jamoaga katta hurmat bilan qaraymiz. Men bu jamoani juda yaxshi bilaman, bu bizga tayyorgarlik ko‘rishda yordam beradi”, - deydi Lempard.
