“Челси” бош мураббийи Фрэнк Лэмпард Англия чемпионати 3-туридан ўрин олган “Норвич”га қарши ўйин олдидан қуйидаги фикрларни билдирди.

“Уларнинг ўз услублари бор. Бу тўғри ёндашув. Улар жуда яхши футбол намойиш этишади.Улар яхши мураббий  ва жамоага эга.

Улар ўз ўйин услубларига ишонишади. Бу жамоа трансфер сиёсати нуқтаи назаридан Чемпионшип жамоаларига ажойиб ўрнак бўла олишади. Мен улар яна АПЛга қайтганидан хурсандман.

Биз “Норвич”га фақат ғалаба учун борамиз. Аммо биз “Ливерпуль”га қарши ўйинда мағлубиятга учраган ва “Ньюкасл”га қарши ажойиб ўйин ўтказган жамоага катта ҳурмат билан қараймиз.  Мен бу жамоани жуда яхши биламан, бу бизга тайёргарлик кўришда ёрдам беради”, - дейди Лэмпард.