“Coca Cola” Superligasining 18-tur doirasida “Andijon” jamoasi Toshkentda “Paxtakor” jamoasi mehmoni bo‘ladi.
Mazkur jamoalar milliy chempoinat o‘yinlarida shu kungacha o‘zaro 47 marotaba bahs olib borishgan. O‘tkazilgan 47 ta uchrashuvning 35 tasida “Paxtakor” jamoasining qo‘li baland kelgan bo‘lsa, “Andijon” jamoasi 4 ta uchrashuvda g‘olib bo‘lgan. Qolgan 8 ta uchrashuv esa tomonlarning murosa ko‘chasini tanlashi bilan yakunlangan.
“Paxtakor” “Andijon” jamoasi darvozasini jami bo‘lib 115 marotaba ishg‘ol etgan va o‘z darvozasidan 33 marotaba to‘p olib chiqqan. To‘plar nisbati +82 “Paxtakor” foydasiga.
“Paxtakor”ning “Andijon” ustidan qozongan eng yirik g‘alabasi 6:0. Eng sermahsul uchrashuv “Paxtakor” – “Andijon” 6:1.
Ushbu jamoalarning joriy mavsum birinchi davrasidagi uchrashuvi Farg‘ona shahridagi “Istiqlol” stadionida bo‘lib o‘tgan va uchrashuv “Paxtakor”ning 0:3 hisobidagi g‘alabasi bilan yakunlangandi.
Jamoalarning so‘nggi 4 mavsumdagi o‘zaro uchrashuvlari:
2014 yil:
“Andijon” – “Paxtakor” 0:1
“Paxtakor” – “Andijon” 2:0
2015 yil:
“Andijon” – “Paxtakor” 0:1
“Paxtakor” – “Andijon” 6:0
2016 yil:
“Paxtakor” – “Andijon” 2:1
“Andijon” – “Paxtakor” 1:0
2019 yil:
“Andijon” – “Paxtakor” 0:3
“Paxtakor” – “Andijon” ?:?
Jamoalarning joriy mavsum ikkinchi davradagi uchrashuvlari:
“Paxtakor” – “Qo‘qon – 1912” 3:1
“Qizilqum” – “Paxtakor” 0:5
“Paxtakor” – “Buxoro” 5:0
AGMK – “Paxtakor” 0:3
“Andijon” – “Buxoro” 2:0
AGMK” – “Andijon” 2:2
“Metallurg” – “Andijon” 0:2
“Andijon” – “Navbahor” 0:1
“Paxtakor” – “Andijon” uchrashuvlarida kimlar o‘ynamaydi?
Ushbu turda “Paxtakor” jamoasida yo‘qotishlar yo‘q. “Andijon” jamoasi tarkibida esa ikkita jiddiy yo‘qotish bor. Chempionat o‘yinlarini muntazam o‘tkazib kelayotgan Abror Xusinovning sariq kartochkalari soni 4 taga yetganligi sababli, ushbu uchrashuvni o‘tkazib yuborsa, Ro‘zimboy Ahmedov ham xuddi shu sabab bilan 18-turni o‘tkazib yuboradi.
“Paxtakor” – “Andijon” jamoalari o‘rtasidagi bahs 27 avgust kuni soat 19:15da Toshkentdagi “Paxtakor” stadionida bo‘lib o‘tadi.
