Hujumchi Neymar «PSJ» klubida qolishi mumkin.
Futbolchining vakillari transfer oynasi yakunlanishiga qadar uning boshqa klubga o‘tish imkoniyatlari juda past ekanini tushunib turishibdi.
L’Equipe xabariga ko‘ra, so‘nggi paytlarda braziliyalik futbolchi va klub sport direktori Leonardo orasidagi munosabat iliqlashgan. Tomonlar yarashib olish uchun harakat qilishmoqda.
«Endi hech qanday urush yo‘q. Tomonlar madaniy muzokara o‘tkazmoqda», – deydi vaziyatga yaqin manbalardan biri.
Avvalroq Neymar «PSJ»ni tark etishni istayotganini aytganidan so‘ng, klub rahbariyati bilan munosabati yomonlashgan edi. Uning xizmatiga «Barselona» va «Real» qiziqish bildirmoqda.
