Ҳужумчи Неймар «ПСЖ» клубида қолиши мумкин.
Футболчининг вакиллари трансфер ойнаси якунланишига қадар унинг бошқа клубга ўтиш имкониятлари жуда паст эканини тушуниб туришибди.
L’Equipe хабарига кўра, сўнгги пайтларда бразилиялик футболчи ва клуб спорт директори Леонардо орасидаги муносабат илиқлашган. Томонлар ярашиб олиш учун ҳаракат қилишмоқда.
«Энди ҳеч қандай уруш йўқ. Томонлар маданий музокара ўтказмоқда», – дейди вазиятга яқин манбалардан бири.
Аввалроқ Неймар «ПСЖ»ни тарк этишни истаётганини айтганидан сўнг, клуб раҳбарияти билан муносабати ёмонлашган эди. Унинг хизматига «Барселона» ва «Реал» қизиқиш билдирмоқда.
