Xabaringiz bor, 26-28 avgust kunlari Coca-Cola Superligasida 18-tur uchrashuvlari bo‘lib o‘tadi. Mazkur tur doirasida 26 avgust, dushanba kuni «Dinamo» o‘z maydonida «Buxoro»ni qabul qiladi.

Joriy yilning 26 avgust kuni Samarqand shahrida “Sharq taronalari” xalqaro musiqa festivalining ochilish marosimini o‘tkazilishi belgilangan. Mazkur festivalning ochilish marosimiga O‘zbekiston Respublikasidagi chet davlatlar diplomatik vakolatxonalarining vakillari hamda boshqa nufuzli mehmonlarning tashrifi ham ko‘zda tutilgan. Ayni vaqtda davlat va jamoat tashkilotlarining barcha e’tibori ushbu ochilish marosimini yuqori saviyada o‘tkazilishini ta’minlashga qaratilgan.

Yuqoridagilarni inobatga olgan holda, shu kuni bo‘lib o‘tishi rejalashtirilgan Coca-Cola Superliganing 18-turi doirasidagi «Dinamo» - «Buxoro» futbol klublari o‘rtasidagi uchrashuv   27 avgust kuni (soat 17:00) ga ko‘chirildi.