Tokioda bo‘lib o‘tayotgan dzyudo bo‘yicha jahon chempionatining birinchi kuni terma jamoamiz uchun muvaffaqiyatli o‘tmoqda. Biroz avval -60 kilogramm vazn toifasida terma jamoasi vakili Sharofiddin Lutfillayev final yo‘llanmasini qo‘lga kiritdi.
Qozog‘istonlik Gusman Kirgizbayevga qarshi bahs olib borgan Lutfillayevning 1:40 daqiqada bajargan uchi-mata usuli hamyurtimizga final eshigini ochdi. Yurtdoshimizning oltin medal uchun kechadigan bahsdagi raqibi raqibi gruziyalik Luxumi Chxvimiani hamda yaponiyalik Ryuju Nagayama o‘rtasidagi bellashuvdan so‘ng aniqlanadi.
