Coca Cola Superliganing 18-turidan o‘rin olgan «Bunyodkor» - «Lokomotiv» (1:1) uchrashuvidan keyin o‘tkazilgan matbuot anjumaning ikkinchi qismida mezbonlar ustozi Vadim Abramov ishtirok etdi.
- «Lokomotiv» safida tajribali o‘yinchilar to‘p suradi. Bizning yigitlar ancha yosh. Bugun bizning futbolchilar raqibning tajribali o‘yinchilariga nisbatan haddan tashqari hurmat bilan munosabatda bo‘lishdi. O‘tkazib yuborilgan gol ham o‘zimizning xato evaziga bo‘ldi. Ikkinchi bo‘limda vaziyatni o‘nglashga harakat qilgan bo‘lsakda, rejamiz amalga oshmadi. Durang adolatli natija deb hisoblayman. Qaysidir ma’noda biz bugun g‘alaba uchun o‘ynay olmadik. «Nasaf» bilan o‘yinda qarshi hujumlarda gol o‘tkazib yuborgan edik. Bugun yigitlar tajribali o‘yinchilarni qarshi hujumda o‘tkazib yuborishdan qo‘rqishdi chog‘i, hujumga o‘tishda faollik past bo‘ldi. Qolaversa, bugun tajribali Lutfulla To‘rayevning yo‘qligi ham bilindi. Aytishim kerak, biz eng yaxshi o‘yinimizni ko‘rsata olmadik.
