"Barselona" va "PSJ" klublari Neymarning transferi borasida muzokaralarni davom ettirishmoqda. Kompensasiya pulini kamaytirish maqsadida "ko‘k-anorranglilar" o‘z futbolchilarini parijliklarga taklif qilmoqda. Ammo "Barsa" futbolchilar birin-ketin "Pari Sen-Jermen"ga o‘tishdan bosh tortishmoqda.
Dastlab Ivan Rakitich va Usmon Dembele faoliyatini Parijda davom ettirishni istamadi. Mundo Deportivo tarqatgan xabarga ko‘ra, himoyachi Jan-Kler Todibo ham jamoadoshlaridan o‘rnak olib, "PSJ"ga o‘tish taklifiga rad javobini berdi.
Shu tariqa, "Barsa" Neymarni qo‘lga kiritish uchun transfer summasini to‘laqonli to‘lashiga to‘g‘ri keladi. Muzokaralar jarayonida kataloniyaliklar futbolchining transferini 170 million yevroga baholashgan edi.