Ushbu rukndagi eng so‘ngi yangiliklar bilan tanishtirishda davom etamiz.
Rayola o‘z uslibida!
Italiyalik mashxur futbol agenti Mino Rayola «Manchester Yunayted» jamoasini ogohlantirdi.
Gap shundaki, italiyalik mutahassis agarda klub uning mijozi sanalmush Pol Pogbani «Real Madrid»ga qo‘yib yubormasa, futbolchi «qizil iblislar» bilan shartnoma tuzishdan bosh tortishini rasman e’lon qildi.
Bundan tashqari, Mino jamoa rahbarlariga futbolchini sotib mo‘maygina pul ishlab olishni maslahat berdi. Agarda Pogba klub bilan shartnoma tuzishni istamasa, kontrakt yakunlangach, erkin agent sifatida jamoani tark etishi mumkin. Voqealar rivoji bunday ko‘rinish olsa, «Manchester Yunayted» 100 limondan ortiqroq summaga xarid qilgan futbolchisining transferidan 1 yevro ham ishlay olmaydi.
«Valensiya» «Lion» himoyachisi ko‘zlamoqda
«Ko‘rshapalaklar» 2 haftadan buyon «Napoli» himoyachisi Elsaid Hyusay transferi borasida muzokaralar o‘tkazayotgan bo‘lsada, ijobiiy natijaga erisha olmayapti.
«TMW» nashri tarqatgan xabarlarga ko‘ra «Valensiya» transfer nishonini o‘zgartirdi va qolgan vaqt mobaynida bor e’tiborini «Lion» himoyachisi Keni Tetega qaratadi. Tomonlar allaqachon transfer borasidagi muzokarlarni boshlab yuborishgan. «Lion» o‘z himoyachisi uchun 16 million yevro talab qilmoqda. Agarda ikki klub o‘zaro kelishuvga erishsa, hafta so‘ngida yana bir transfer amalga oshadi.
Eslatib o‘tamiz, Tete o‘tgan mavsumda 13 ta uchrashuvda maydonga tushdi va 3 ta golli uzatma berishga muvaffaq bo‘ldi. Yangi mavsumda futbolchi 3 bor maydonga tushdi va har safar o‘yinga zahiradan qo‘shildi.
«Chelsi» futbolchisi italiyaga yo‘l oladimi?!
Angiliyaning «Chelsi» klubi himoyachisi Robert Kenedi o‘z faoliyatini Italiyaning «Sassuolo» klubida davom ettirishi mumkin.
Himoyachining hizmatlari bilan Italiya klubi jiddiy qiziqib qolgan. O‘tgan 2 mavsumda «Nyukasl»da ijara asosida to‘p surgan himoyachi yangi mavsumda ham asosiy jamoadan taklif olmadi va katta ehtimol bilan yana ijaraga yo‘l oladi.
«Sassuolo» jamoasi bu futbolchini jarohat olgan Rojerioning o‘rnini egallashini mo‘ljallamoqda.
Emiri Ozil borasidagi savollarga nuqta qo‘ydi
«Arsenal» jamoasi bosh murabbiyi shogirdi Mesut O‘zilning klubda qolish yoki ketishi borasidagi savollarga javob berdi.
«Dushanba kuni hammasi o‘z yakuniga yetadi. Biz O‘zilni sotib yuborish haqida o‘ylaganimiz yo‘q. Buni sizlar o‘ylab toptingiz. Biz uchun transfer oynasi allaqachon yopilgan. Afsuski, boshqa futbolchi sotib olishga bizda mablag‘ yo‘q. bo‘lgan taqdirda ham APL uchun transfer oynasi allaqachon yopilgan. O‘zil jamoada qoladi. Monareal borasida bunday deya olmayman.
Hozirda Mesut o‘z ustida ishlamoqda. Uning jismoniy holati ham ancha yaxshilandi. Umid qilamanki, u yangi mavsumda o‘zining eng kuchli o‘yinini ko‘rsata oladi» – deb bayonot berdi «to‘pchilar» murabbiyi Unay Emiri
Tuxel kutmoqda
PSJ jamoasi ustozi Tomas Tuxel kuni kecha jamoaning transfer oynasidagi ahvoli va Neymarning kelajagi borasida intervyu berdi.
« Neymarning transferi haqida biron narsa deya olmayman. Shunday bo‘lsada, 2 kun ichida bunday katta transferni amalga oshirishning deyarli yo‘qdek tuyulmoqda.
Shunday bo‘lsada, men 3 sentyabrga qadar hech narsani rejalashtirmayapman. Ochig‘I aynan shu kuni qaysi futbolchi mavsum davomida qo‘l ostimda bo‘lishini aniq bilaman va jamoaning o‘yinini to‘liq tuzib chiqishga imkon bo‘ladi.
Men shunday katta klubda Neymarning transferi haqida hech kim bilmgan narsalarni bilishimni qanday tahmin qilish mumkin. Bizda aynan shu masalada bosh qotirayotgan mahsus insonlar mavjud. Men uning klubdan qolishini istayman. Biz jamoamizga yangi futbolchilarni taklif etmaymiz. To‘g‘ri qishda hammasi o‘zgarishi mumkin, lekin hozir hammasi o‘z joyida»
