Italiya chempionatining 2-turida Rim shahrining ikki jamoasi o‘zaro to‘qnash kelishdi. "Lasio" va "Roma" jamoalari o‘rtasidagi o‘yinda g‘olib nomi aniqlanmadi.

Bu o‘yinda to‘p juda ko‘p marta darvoza to‘sini va ustunlariga tegdi. Ammo muxlislar ikki marta gol guvohiga aylanishdi. Uchrashuvning 16-daqiqasida to‘p jarima maydoni ichidagi Milinkovich-Savichning qo‘liga tekkani uchun hakam penalti belgiladi. Kolarov 11 metrli jarima zarbasidan unumli foydalanib, "Roma"ni hisobda oldinga olib chiqdi.

Bahsning 60-daqiqasida esa hisob tenglashdi. Immobilening uzatmasidan keyin Luis Alberto jarima maydoniga kirdi va darvozani zabt etdi.

O‘yin oxirigacha "Lasio" futbolchilari yana bir nechta golga tortadigan vaziyat yaratishdi. O‘yin so‘ngida uyushtirilgan hujumlarning birida to‘p to‘singa tegib qaytgan bo‘lsa, qo‘shib berilgan daqiqalarda urilgan gol VAR yordamida bekor qilindi.

Ushbu durangdan keyin "Lasio"ning ochkolari 4taga yetkazgan bo‘lsa, "Roma"ning ochkolari 2taga yetdi.

Italiya A seriyasi, 2-tur
Lasio – Roma 1:1 (0:1, 1:0)
Gollar: 0:1 – 17, penalti Kolarov, 1:1 – 58 Luis Alberto.
Lasio – Strakosha, Luis Felipe (Bashtush, 40), Radu, Acherbi, Lassari, Milinkovich-Savich (Parolo, 71), Luis Alberto, Lulich (Xoni Rodriges, 78), Leyva, Korrea, Immobile.
Roma – Lopes, Kolarov, Fasio, Manchini, Florensi (Diavara, 89), Dzanyolo (Santon, 79), Kristante, Under (Pastore, 67), Pellegrini, Klyuyvert, Djeko.
Ogohlantirishlar: Luis Felipe (26), Dzanyolo (31), Immobile (55), Radu (63), Florensi (70), Acherbi (76), Santon (84).