«Barselona» va Argentina terma jamoasi sardori Lionel Messi Amerika kubogi-2019 yakunlari bo‘yicha Rim papasi fondidan maxsus sovg‘ani qabul qildi.

32 yoshli futbolchiga mozambiklik bolalar tomonidan lattadan tayyorlangan to‘p tortiq qilindi. Bu to‘p sof futbol ramzi bo‘lib, butun dunyo bo‘ylab bolalar ko‘chada bunday to‘p bilan futbol o‘ynashadi.

Ushbu sovrin birdamlik ruhiyati, halollik, hurmat va jamoaviy mehnat uchun Rim papasi tomonidan taqdim etiladi. Uning g‘olibi jamg‘arma homiyligi ostidagi ta’lim muassasalari o‘quvchilari o‘rtasida o‘tkaziladigan so‘rovnoma orqali aniqlanadi.

So‘rovnomada Messi 34,28% ovozga ega bo‘ldi hamda perulik — Edison Flores (15,56%), Pedro Galyese (11,28%) va braziliyalik Dani Alves (10,5%)ni ortda qoldirdi.