Messi yoki Ronaldu? Bu savol deyarli 10 yildan beri javobsiz qolmoqda. Har bir insoning o‘z fikri va dunyo qarashi bo‘lgani bois, o‘zi yoqtirgan uslubda to‘p survchi futbolchini tanlaydi. Bugun ushbu savolga javob berish navbati futbol olamining faxriylariga. Ular tomonidan ushbu savolga berilgan intervyularni bir joyga jamlab e’tiboringizga taqdim etamiz.
Rio Ferdinand
Virjilning dunyodagi eng kuchli himoyachi ekanligiga shubham yo‘q, biroq agar u bilan bir paytda bir mavsumda 50 ta gol kirita oladigan Messi yoki bir mavsumda 3 ta sovrinni qo‘lga kiritishni uddalay oladigan Ronaldu singari futbolchilar mavjud ekan, unga «oltin to‘p» sovrinini topshirmasligimiz lozim. Odamlarning aytishicha, Messi va Ronaldu davri juda zerikarli o‘tmoqda emush. Bo‘lishi mumkin, lekin bu yigitlar 12 yildan beri fantastik futbol namoyish etib kelmoqda. Men ham himoyachi bo‘lganman va aynan shu sababli Virjilning ilk shaxsiy sovrinini qo‘lga kiritganidan mamnunman. U bunga loyiq. Shunday bo‘lsada, agarda biz yiliga 50 ta gol kiritishni uddalaydigan futbolchini bilsak, sovrinni Van Deykka topshirishimiz katta xato bo‘ladi. Men o‘zim ishlab topgan pullarni himoyachining o‘yinini tomosha qilish uchun sarflamagan bo‘lar edim. Aslida futbolda eng qiyin ish gol kiritish. Messi bu borada o‘tgan mavsumda hammadan ilgarilab ketdi.
Zeb Blatter
Men bundan bir necha yil ilgari Oksford unversitetida talabalarning aynan shunday savoliga quyidagicha javob bergan edim. Messi bu istalgan ona orzu qiladigan bolakay, Ronaldu esa, ko‘proq robotni eslatadi. Ushbu so‘zlarimdan so‘ng, Florentina Perez menga qo‘ng‘iroq qilib o‘z noroziligini izhor qilgan edi. U mendan so‘zlarimni ortga qaytarib olishimni talab qildi. Oradan ko‘p o‘tmay «oltin to‘p» sovrinining g‘olibi aniqlandi. Ovoz berish jarayonida Ronaldu hammadan ilgarilab ketdi va o‘zining 5-«oltin to‘p»ini qo‘lga kiritdi.
Guti
Aslida ularning ikkisi ham eng kuchli futbolchi nomioga loyiq. Menga qolsa, ikkalasini ham bir darajaga qo‘yaman. Messi eng iqtidorli, Ronaldu gol mashinasi va o‘z ustida ishlash orqali eng baland cho‘qqiga chiqishning uddasidan chiqdi. Eng qizig‘I shundaki, u Messidek daxoning davrida 5 ta «oltin to‘p»ni qo‘lga kiritishga muvaffaq bo‘ldi. Bundan tashqari u «Real Madrid» uchun qanchalar muhim ekanligni hozir hamma bilib oldi. Mana uning asl kuchi nimada!
Garri Liniker
Agar men Ronaldu yoki Messi haqida tvit qoldirsam, bir zumda qarshi tomon muxlislarning bosimi ostida qolaman. Agarda men Messi haqida birorta ilq so‘z aytsam, darrov Ronaldu muxlislari menga o‘z fikrlarini uqtirishga tushib ketadi. Balki, Messi haqida ko‘proq gapirishimni o‘zim sezmagan bo‘lsam kerak. Siz ularni ikkisni men kabi bir hil yoqtirishingiz mumkin. Shunday bo‘lsada, ular tamomila boshqacha futbolchilar. Ronaldu atlet. U o‘zidagi barcha yaxshi hislatlarni siqib suvini maydonga sochadi. Bundan tashqari u men ko‘rgan futbolchilar orasida bosh bilan o‘ynash va golni sezish borasida tengsiz futbolchi. Messi ajoyib pas beruvchi va futbol tarixidagi en kuchli dribling egasi. Men Ronalduning o‘yinlarini ko‘rsam hayratlanaman, Messining harakatlar esa, menga quvonch bag‘ishlaydi. Men uchun ularning farqi shundagina xolos!
