20-22 sentyabr kunlari Toshkent dzyudo bo‘yicha navbatdagi Gran-pri musobaqasiga mezbonlik qiladi. Tokio Olimpiadasiga qimmatli reyting ochkolarini taqdim qiladigan mazkur musobaqani o‘tkazish uchun bu yil juda katta tayyorgarlik ko‘rilmoqda.
Bir necha oy muqaddam Xalqaro dzyudo federasiyasi mutasaddilari poytaxtimizdagi “Humo arena” ko‘p tarmoqli muz saroyini ko‘zdan kechirib o‘tishgani haqida ma’lum qilgan edik. Endilikda bu yilgi Toshkent Gran-prisi rasman “Humo arena”da bo‘lib o‘tishi tasdiqlandi.
Eslatib o‘tamiz, ushbu Gran-pri musobaqadasida g‘alaba qozongan sportchilar Tokio Olimpiadasi uchun 700 reyting ochkosiga ega bo‘lishadi. Toshkent Gran-prisi esa kattalar uchun Tokio mezbonlik qilgan jahon chempionatidan keyingi yirik musobaqadir.
