«Manchester Siti» sobiq yarim himoyachisi Bernardu Silva Madridning «Atletiko» klubiga o‘tishi mumkin. Bu haqda Marca xabar bermoqda. Manbaga ko‘ra, «matraschilar» yarim himoyachini shu hafta oxirigacha o‘z safiga qo‘shib olmoqchi.

Klub rahbariyati «Barselona»ning Silvaga jiddiy qiziqishi borligiga ishonmaydi. Ularning fikricha, bu mish-mishlar futbolchining maosh borasidagi talablarini oshirishga urinishi bo‘lishi mumkin.

31 yoshli Silva 2017 yildan buyon «Manchester Siti» sharafini himoya qilib kelayotgan edi. Biroq u 2025/26 yilgi mavsum yakunlangach, klubni tark etishga qaror qildi. Transfermarkt portali ma’lumotlariga ko‘ra, Silvaning transfer qiymati 27 million yevroni tashkil etadi.