«Yuventus» hujumchisi Krishtianu Ronaldu va Nike kompaniyasi o‘rtasida tuzilgan shartnomaning ayrim bandlari oshkor bo‘ldi.
Spiegel nashri "Football Leaks 2" kitobiga asoslanib xabar tarqatishicha, sport anjomlari ishlab chiqaruvchi kompaniya har yili portugaliyalik futbolchiga 16,2 mln yevro pul to‘lamoqda. Mazkur shartnoma 2016 yilda tuzilgan bo‘lib, 2026 yilga qadar amalda bo‘ladi. Demak, 10 yil davomida Ronaldu Nike'dan 162 million yevro pul oladi.
Ronaldu "Oltin to‘p", jahonning eng yaxshi futbolchisi kabi nufuzli sovrinlarni qo‘lga kiritadigan bo‘lsa, yana 4 million yevro miqdorida mukofot puli qo‘shiladi.