“Metallurg” futbol klubi murabbiyi Murod Ismoilovning shogirdlari, barcha futbolchilarga maslahatli mulohazalari.

Ukalarimizga, farzandlarimizga, vatandosh futbolchilarimizga yana bir bor eslatma:

Yoxan Kroyff nima degan? Futbol bitta to‘p bilan o‘ynaladi. Bas shunday ekan, to‘pni biz nazorat qilishimiz kerak!

Xosep Gvardiola nima degan? Pas (to‘p oshirish) bo‘lsa, keyin nazorat bo‘ladi!

Xavi nima deyapti?! Iloji bo‘lsa meni jamoam 99% to‘pga egalik qilishini xohlayman, chunki to‘p bizda bo‘lsa, keyin biz futbol o‘ynaymiz!

Boris Arvadyev nima degan? “Pas (to‘p oshirish) – buyuk harakatlantiruvchi kuch, futbolda shu kuchga deyarli hamma narsa bog‘liq”.

Men buyuk mutaxassislarni fikrlaridan iqtibos keltirdim. Faoliyat olib borayotgan mutaxassis sifatida tavsiya qilaman, iltimos qilaman, ukalarim, farzandlarim, yurtdoshlarim – to‘p oshirishga (pasga) bee’tibor bo‘lmanglar. Mashg‘ulotlarda juda ko‘p guvohi bo‘laman, futbolchilarimiz mana shu jihatga o‘ta bee’tiborlik qilishadi.

“Tayming” degan so‘z bor, nima o‘zi u? Futbolchiga to‘p uzatilganda, kerakli tezlikda, kerakli yo‘nalishda va kerakli nuqtaga boradi va qabul qiluvchi bilan uchrashadi. Endi mana shu tayming o‘yin davomida ko‘proq bo‘lsa, ruhiy tomondan ham juda ishonch ortadi va kuchga kuch qo‘shilib, odam tetiklashadi.

Endi Mourinyo nima deyapti? Mening jamoam taymingga amal qilsa, natija yaxshi bo‘ladi, natija yaxshi bo‘lsa, o‘yinni o‘zida biz keyingi o‘yinga tayyorgarlik ko‘rishni boshlaymiz. Shunday ekan, mening jamoam bir mavsumda 80 tagacha o‘yin o‘tkaza oladi.

Yana bir bor buyuk ustoz Boris Arkadyevni eslaymiz. U kishi aytgan: pas (to‘p oshirish) – buyuk  harakatlantiruvchi kuch, mana shu kuchga futbolda deyarli hamma narsa bog‘liq!!!

Foydali desangiz Allohdan, kamchiligi bo‘lsa kaminadan...