O‘zbekiston terma jamoasi bosh murabbiyi Ektor Kuper lavozimidan ozod etilgan. Bu haqida Sports.uz internet nashri xabar tarqatdi.
Manbaning xabar berishicha, ko‘plab munozaralardan so‘ng argentinalik mutaxassis lavozimidan bo‘shatilgan. Uning o‘rniga "Bunyodkor" klubi ustozi Vadim Abramov tayinlanishi kutilmoqda. Bu borada Abramov O‘FA rahbariyati bilan muzokara ham o‘tkazgan.
Yaqin kunlarda Kuperning ketishi va Abramovning milliy jamoamizga tayinlanishi mumkin. Faqat Vadim Abramov "qaldirg‘ochlar" boshqaruvidan ketadimi yoki bir vaqtning o‘zida "ikkita quyonni ovlaydi"mi, degan savol so‘roq ostida.
