“Qizilqum” – “Nasaf”  (0:0) uchrashuvdan keyin navoiyliklar bosh murabbiyi Hamidjon Aktamov bellashuv haqida shunday dedi:

“Nasaf” kuchli raqibligini bilardik va shunga yarasha tayyorgarlik ko‘rdik. Uchrashuv boshidanoq asosiy e’tiborni hujumkorlikka qaratib, gol urish uchun bir qator vaziyatlarni ham yarata oldik. Ammo hal qiluvchi zarba golga aylanmadi. Bir vaziyatda darvoza to‘sini mehmonlarni goldan saqlab qoldi.

Birinchi bo‘lim oxirida markaziy himoyachimizning maydondan chetlatilishi bizni biroz qiyin ahvolga solib qo‘ydi. Natijada rejalarimizni o‘zgartirishga majbur bo‘ldi. Ikkinchi bo‘limda asosiy e’tiborni himoyaga qaratdik. Yigitlarga rahmat. Kuchli raqibning barcha hujumlarini bartaraf etishning uddasidan chiqa olishdi. O‘yin oxirida Doston Ibragimov g‘alaba golini kiritishi ham mumkin edi. Biroq qarshiliklar darvozaboni deyarli imkonsiz zarbani qaytarib qolishning uddasidan chiqdi. Bir kishi kam bo‘lib, durangga erishish ham yomon natija emas. Keyingi o‘yinlarda g‘alabani qo‘lga kiritishga harakat qilishga intilamiz".