Yevropa chempionlar ligasining guruh bosqichida ishtirok etadigan Italiya klublari A seriyadagi o‘z o‘yinlarini kecha o‘tkazishdi.

Tur doirasida "Napoli" o‘z maydonida "Sampdoriya"ni qabul qilib, ishonchli g‘alabani qo‘lga kiritdi. Neapolliklarning har ikkala goliga Dris Mertens mualliflik qildi. Ushbu g‘alabadan keyin Anchelotti jamoasi 6 ochko bilan jadvalda 3-o‘ringa ko‘tarilib oldi.

«Inter» esa o‘z uyida «Udineze»ga qarshi bahs olib bordi. Mehmonlar 35-daqiqadan boshlab maydonda bir kishi kam bo‘lib qolishdi: de Paul maydondan chetlatildi. Bo‘lim tugashi arafasida Stefano Sensi hisobni ochishga muvaffaq bo‘ldi. "Neradzurri" bir kishi ko‘p bo‘lib o‘ynaganiga qaramay, raqib darvozasiga boshqa yo‘l topa olmadi. Konte jamoasi 9 ochko bilan jadvalda peshqadamlik qilmoqda.

Italiya chempionati, 3-tur
Napoli – Sampdoriya 2:0 (1:0, 1:0)
Gollar: 1:0 – 13 Mertens, 2:0 – 67 Mertens.
Napoli – Meret, Di Lorenso, Maksimovich, Kulibali, Mariu Ruy, Kalyexon, Fabian Ruis, Elmaz (InsinYE, 76), Zelinski, Losano (Lyorente, 65), Mertens (Yunes, 80).
Sampdoriya – Audero, Ferrari, Murilyo, Redjini (Leris, 66), Bereshinski, Ekdal, Linetti, Murru, Kaprari (Gabbyadini, 68), Rigoni (Depaoli, 79), Kualyarella.
Ogohlantirishlar: Maksimovich (7), Ferrari (26), Fabian Ruis (36), Kaprari (41).
 
Inter – Udineze 1:0 (1:0, 0:0)
Gol: 1:0 – 44 Sensi.
Inter – Xandanovich, Godin, de Vrey, Shkrinyar, Kandreva, Barella (Galyardini, 46), Brozovich, Asamoa, Politano (Sanches, 80), Sensi, Lukaku (Martines, 65).
Udineze – Musso, Rodrigo Bekao, De Mayo, Opoku, Larsen, Yayalo (Barak, 71), Uolas (Mandragora, 81), de Paul, Sema (Pussetto, 81), Fofana, Lazanya.
Ogohlantirishlar: Barella (28), Rodrigo Bekao (35), Kandreva (78).
Chetlatish: de Paul (35).