Европа чемпионлар лигасининг гуруҳ босқичида иштирок этадиган Италия клублари А сериядаги ўз ўйинларини кеча ўтказишди.

Тур доирасида "Наполи" ўз майдонида "Сампдория"ни қабул қилиб, ишончли ғалабани қўлга киритди. Неаполликларнинг ҳар иккала голига Дрис Мертенс муаллифлик қилди. Ушбу ғалабадан кейин Анчелотти жамоаси 6 очко билан жадвалда 3-ўринга кўтарилиб олди.

«Интер» эса ўз уйида «Удинезе»га қарши баҳс олиб борди. Меҳмонлар 35-дақиқадан бошлаб майдонда бир киши кам бўлиб қолишди: де Пауль майдондан четлатилди. Бўлим тугаши арафасида Стефано Сенси ҳисобни очишга муваффақ бўлди. "Нерадзурри" бир киши кўп бўлиб ўйнаганига қарамай, рақиб дарвозасига бошқа йўл топа олмади. Конте жамоаси 9 очко билан жадвалда пешқадамлик қилмоқда.

Италия чемпионати, 3-тур
Наполи – Сампдория 2:0 (1:0, 1:0)
Голлар: 1:0 – 13 Мертенс, 2:0 – 67 Мертенс.
Наполи – Мерет, Ди Лоренцо, Максимович, Кулибали, Мариу Руй, Кальехон, Фабиан Руис, Элмаз (Инсинье, 76), Зелиньски, Лосано (Льоренте, 65), Мертенс (Юнес, 80).
Сампдория – Аудеро, Феррари, Мурильо, Реджини (Лерис, 66), Берешиньски, Экдаль, Линетти, Мурру, Капрари (Габбьядини, 68), Ригони (Депаоли, 79), Куальярелла.
Огоҳлантиришлар: Максимович (7), Феррари (26), Фабиан Руис (36), Капрари (41).
 
Интер – Удинезе 1:0 (1:0, 0:0)
Гол: 1:0 – 44 Сенси.
Интер – Ханданович, Годин, де Врей, Шкриньяр, Кандрева, Барелла (Гальярдини, 46), Брозович, Асамоа, Политано (Санчес, 80), Сенси, Лукаку (Мартинес, 65).
Удинезе – Муссо, Родриго Бекао, Де Майо, Опоку, Ларсен, Яяло (Барак, 71), Уолас (Мандрагора, 81), де Пауль, Сема (Пуссетто, 81), Фофана, Лазанья.
Огоҳлантиришлар: Барелла (28), Родриго Бекао (35), Кандрева (78).
Четлатиш: де Пауль (35).